1 წუთი კითხვის
ინდოეთში სომხეთის რესპუბლიკის ელჩი ვაჰაგნ აფიანი ინდოეთის თავდაცვის სამინისტროს საერთაშორისო თანამშრომლობის ახლადდანიშნულ გაერთიანებულ მდივანს, ამიტ თელანგს შეხვდა.
„არმენპრესის“ ცნობით, ამის შესახებ ინფორმაციას ინდოეთში სომხეთის საელჩო ავრცელებს.
აღინიშნება, რომ შეხვედრაზე, რომელსაც ასევე ესწრებოდა ინდოეთში სომხეთის რესპუბლიკის სამხედრო ატაშე, პოლკოვნიკი არკადი ტონოიანი, განიხილეს ორ ქვეყანას შორის თავდაცვის სფეროში თანამშრომლობის, კერძოდ - სამხედრო-მრეწველობისა და სამხედრო-საგანმანათლებლო მიმართულებების, ასევე დაგეგმილი შესაბამისი ვიზიტების ორგანიზაციული საკითხები.
საელჩოს ცნობით, ყურადღება ასევე დაეთმო ორმხრივი კონტაქტების აქტიური უწყვეტობის უზრუნველყოფას, თანამშრომლობის განვითარებასა და სტრატეგიული ხასიათის ურთიერთობების გაღრმავების გზებს.