ტაჯიკეთის რესპუბლიკის პრეზიდენტმა ნიკოლ ფაშინიანს მისალოცი გზავნილი გაუგზავნა

ტაჯიკეთის რესპუბლიკის პრეზიდენტმა ემომალი რაჰმონმა ნიკოლ ფაშინიანს სომხეთის რესპუბლიკის პრემიერ-მინისტრის პოსტზე დანიშვნა მიულოცა. „არმენპრესის“ ცნობით, ამის შესახებ სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველომ განაცხადა.

გზავნილში ნათქვამია:

„პატივცემულო ნიკოლ ვოვას ძევ,

მიიღეთ ჩვენი გულწრფელი მოლოცვა და კეთილი სურვილები სომხეთის რესპუბლიკის პრემიერ-მინისტრის პოსტზე თქვენი დანიშვნის გამო.

ამ მაღალ პოსტზე თქვენი ხელახლა დანიშვნა კიდევ ერთხელ მოწმობს საზოგადოების მხრიდან თქვენი პოლიტიკური კურსისადმი მხარდაჭერას, რომელიც განუხრელად არის მიმართული მეგობრული სომხეთის სოციალურ-ეკონომიკური პროგრესისა და საერთაშორისო ასპარეზზე მისი ავტორიტეტის განმტკიცებისკენ.

შემთხვევით ვისარგებლებ და მინდა ხაზი გავუსვა ჩვენს მუდმივ დაინტერესებას ტაჯიკეთსა და სომხეთს შორის მეგობრობის, ურთიერთგაგების, ურთიერთპატივისცემისა და ნდობის მრავალწლიან ტრადიციებზე დაფუძნებული კონსტრუქციული თანამშრომლობის ურთიერთობების ყოველმხრივ განვითარებაში.

დარწმუნებული ვარ, რომ ერთობლივი ძალისხმევით ჩვენ ამიერიდანაც ყოველნაირად შევუწყობთ ხელს ამ პროცესის ეფექტიან წინსვლას - ჩვენი ხალხების ფუნდამენტური ინტერესების სასარგებლოდ.

გისურვებთ მხნეობასა და წარმატებებს თქვენს შემდგომ საქმიანობაში, ხოლო მეგობარ სომეხ ხალხს - მშვიდობას, სტაბილურობასა და განუხრელ აყვავებას“.