სომხეთმა და ავსტრიამ ერთობლივი სამეცნიერო-საგანმანათლებლო და პროფესიული პროგრამების განხორციელების შესაძლებლობები განიხილეს

ავსტრიაში სომხეთის რესპუბლიკის ელჩი ანდრანიკ ჰოვჰანესიანი ავსტრიის ეროვნული ბიბლიოთეკის გენერალურ დირექტორ მიხაელა მაიერს შეხვდა.

„არმენპრესის“ ინფორმაციით, ამის შესახებ ავსტრიაში სომხეთის საელჩოს მიერ გავრცელებულ განცხადებაშია აღნიშნული.

აღნიშნულია, რომ თანამოსაუბრეებმა განიხილეს ავსტრიის ეროვნულ ბიბლიოთეკასა და სომხეთის პარტნიორ დაწესებულებებს შორის თანამშრომლობის განვითარებისა და ერთობლივი სამეცნიერო-საგანმანათლებლო და სხვა პროფესიული პროგრამების განხორციელების შესაძლებლობები.

სომხეთის ელჩი ანდრანიკ ჰოვჰანესიანი ასევე გაეცნო ბიბლიოთეკაში დაცულ სომხური ხელნაწერების ნიმუშებს და ხაზი გაუსვა მათ მნიშვნელობას, როგორც სომხეთ-ავსტრიის მდიდარი ისტორიულ-კულტურული კავშირების სიმბოლოს.