ევრაზიული ეკონომიკური კავშირი დე ფაქტო პარალიზებულია და არ მუშაობს - ნიკოლ ფაშინიანი

სომხეთის რესპუბლიკის პრემიერ-მინისტრ ნიკოლ ფაშინიანის განცხადებით, ევრაზიული ეკონომიკური კავშირი პარალიზებულ მდგომარეობაშია და არ მუშაობს.

„არმენპრესის“ ინფორმაციით, ფაშინიანმა ამის შესახებ მთავრობის სხდომის შემდეგ გამართულ ბრიფინგზე განაცხადა.

„ევრაზიული ეკონომიკური კავშირი არის პლატფორმა, სადაც მე ჩვენს დღის წესრიგთან დაკავშირებულ ყველა საკითხს წამოვჭრი. თუ ევრაზიული ეკონომიკური კავშირის ხელშეკრულება არ მოქმედებს, არც ორგანიზაცია მუშაობს. ევრაზიული ეკონომიკური კავშირი დე ფაქტო პარალიზებულ მდგომარეობაშია და ეს პარალიზება გაღრმავების ტენდენციას ავლენს. თუ ეს საკითხი სწრაფად არ გადაწყდება, ასი პროცენტით დარწმუნებული ვარ, რომ ამ პრობლემას სომხეთი გადალახავს და არა ევრაზიული ეკონომიკური კავშირი“, - განაცხადა სომხეთის პრემიერ-მინისტრმა.