სომხეთის პრემიერ-მინისტრმა ალი ხამენეის გამოსამშვიდობებელ ოფიციალურ ცერემონიაში მიიღო მონაწილეობა

სომხეთის რესპუბლიკის პრემიერ-მინისტრი ნიკოლ ფაშინიანი თეირანის მოსალას მეჩეთში ირანის ისლამური რესპუბლიკის გარდაცვლილი უზენაესი ლიდერის, ალი ხამენეის გამოსამშვიდობებელ ოფიციალურ ცერემონიას დაესწრო.

„არმენპრესის“ ცნობით, რომელიც სომხეთის პრემიერ-მინისტრის აპარატის მიერ გავრცელებულ განცხადებას ეყრდნობა, ნიკოლ ფაშინიანმა სამძიმარი გამოუცხადა იირ-ის პრეზიდენტ მასუდ პეზეშკიანს, იირ-ის პირველ ვიცე-პრეზიდენტ მოჰამად რეზა არეფსა და ალი ხამენეის ოჯახის წევრებს.

გამოსამშვიდობებელი ცერემონიის მსვლელობისას პრემიერ-მინისტრმა პატივი მიაგო ალი ხამენეის ხსოვნას და სამძიმრის წიგნში ჩანაწერი გააკეთა.