ურსულა ფონ დერ ლაიენი სამუშაო ვიზიტით ერევანში ჩავიდა

ევროკომისიის პრეზიდენტი ურსულა ფონ დერ ლაიენი სამუშაო ვიზიტით ერევანს ეწვია. „არმენპრესის“ ცნობით, მას „ზვართნოცის“ საერთაშორისო აეროპორტში სომხეთის ვიცე-პრემიერი მჰერ გრიგორიანი დახვდა.

ვიზიტის ფარგლებში სომხეთის პრემიერ-მინისტრ ნიკოლ ფაშინიანისა და ევროკომისიის პრეზიდენტ ურსულა ფონ დერ ლაიენის შეხვედრა გაიმართება.

უმაღლესი დონის შეხვედრის დასრულების შემდეგ, სომხეთის პრემიერ-მინისტრი და ევროკომისიის პრეზიდენტი მედიისთვის ერთობლივ განცხადებებს გააკეთებენ და ჟურნალისტების კითხვებს უპასუხებენ.