ევროპარლამენტის პრეზიდენტმა ნიკოლ ფაშინიანს მიულოცა

ევროპარლამენტის პრეზიდენტმა რობერტა მეცოლამ ნიკოლ ფაშინიანს საყოველთაო არჩევნებში მისი ლიდერობით პოლიტიკური ძალის გამარჯვება მიულოცა.

„არმენპრესის“ ცნობით, რობერტა მეცოლამ ამასთან დაკავშირებით პოსტი სოციალურ ქსელ X-ზე გამოაქვეყნა.

Congratulations @NikolPashinyan on the victory in Armenia’s national elections.

Let us continue building on this renewed momentum to strengthen EU-Armenia relations 🇪🇺🇦🇲 pic.twitter.com/kCg3fWHJWH

— Roberta Metsola (@EP_President) June 8, 2026

„ვულოცავ ნიკოლ ფაშინიანს სომხეთის საპარლამენტო არჩევნებში მოპოვებულ გამარჯვებას. მოდით, განვაგრძოთ ამ განახლებული იმპულსის განვითარება ევროკავშირი-სომხეთის ურთიერთობების გასამყარებლად“, — დაწერა ევროპარლამენტის პრეზიდენტმა.

სომხეთში 7 ივნისს მორიგი საპარლამენტო არჩევნები გაიმართა. ამ დროისთვის არსებული მონაცემებით, საკანონმდებლო ორგანოში სამი პოლიტიკური ძალა შედის: პარტია „სამოქალაქო ხელშეკრულება“, ბლოკი „სომხეთი“ და ბლოკი „ძლიერი სომხეთი“.

სომხეთის პრემიერ-მინისტრმა ნიკოლ ფაშინიანმა განაცხადა, რომ პარტია „სამოქალაქო ხელშეკრულება“ პარლამენტში უმრავლესობას მოიპოვებს და მთავრობის ჩამოყალიბებას შეძლებს.