აშშ-ის სახელმწიფო დეპარტამენტმა მარკო რუბიოს ერევანში ვიზიტის დღის წესრიგი გამოაქვეყნა

ამერიკის შეერთებული შტატების სახელმწიფო დეპარტამენტმა სახელმწიფო მდივნის, მარკო რუბიოს 26 მაისის სამუშაო განრიგი გამოაქვეყნა.

„არმენპრესის“ ცნობით, სახელმწიფო დეპარტამენტი იტყობინება, რომ 26 მაისს, ერევნის დროით 15:30 საათზე, სახელმწიფო მდივანი მარკო რუბიო ერევანში სომხეთის საგარეო საქმეთა მინისტრ არარატ მირზოიანს შეხვდება.

ერევნის დროით 16:00 საათზე მარკო რუბიო სომხეთის საგარეო უწყების ხელმძღვანელ არარატ მირზოიანთან ერთად ურთიერთგაგების მემორანდუმის ხელმოწერის ცერემონიალში მიიღებს მონაწილეობას. სახელმწიფო დეპარტამენტს მისასალმებელი მემორანდუმის შინაარსი არ გაუმჟღავნებია.

25 მაისს სომხეთის საგარეო საქმეთა სამინისტროს პრესსპიკერმა ანი ბადალიანმა განაცხადა, რომ აშშ-ის სახელმწიფო მდივანი მარკო რუბიო ერევანს 26 მაისს ეწვევა. ერევნის „ზვართნოცის“ აეროპორტში სომხეთის საგარეო საქმეთა მინისტრ არარატ მირზოიანისა და აშშ-ის სახელმწიფო მდივნის მარკო რუბიოს შეხვედრა შედგება. საგარეო უწყების პრესსპიკერის თქმით, დაგეგმილია დოკუმენტების ხელმოწერა, რის შემდეგაც არარატ მირზოიანი და მარკო რუბიო მედიისთვის განცხადებებს გააკეთებენ.