1 წუთი კითხვის
სომხეთის რესპუბლიკის ეროვნული ასამბლეის თავმჯდომარემ, ალენ სიმონიანმა, 9 აპრილს მიიღო ავსტრიის ეროვნული საბჭოს ავსტრია-სომხეთი-საქართველოს საპარლამენტო მეგობრობის ჯგუფის ხელმძღვანელის, მარტინა ფონ ქიუნსბერგ-სარეს ხელმძღვანელობით მოქმედი დელეგაცია.
სომხეთის პარლამენტის თავმჯდომარემ მადლობა გადაუხადა სტუმრებს ვიზიტისთვის და აღნიშნა, რომ მსგავსი ვიზიტები სერიოზულ იმპულსს წარმოადგენს ორმხრივი კავშირების გააქტიურების თვალსაზრისით.
როგორც „არმენპრესი“ სომხეთის ეროვნული ასამბლეის მიერ გავრცელებულ განცხადებაზე დაყრდნობით იტყობინება, დისკუსიის მთავარი თემები იყო ორმხრივი და საპარლამენტთაშორისო კავშირები, სომხეთში მიმდინარე დემოკრატიული რეფორმები, სომხეთსა და აზერბაიჯანს შორის დამყარებული სამშვიდობო პროცესი და რეგიონული განვითარება.
ალენ სიმონიანმა მეგობრობის ჯგუფის წევრების ყურადღება ასევე გაამახვილა აზერბაიჯანში მყოფ ტყვეების, უკანონოდ დაკავებული და უგზო-უკვლოდ დაკარგული პირების საკითხზე.