1 წუთი კითხვის
სომხეთის პრემიერ-მინისტრი ნიკოლ ფაშინიანი მოსკოვში თავის ვიზიტს, რომლის ფარგლებშიც რუსეთის პრეზიდენტ ვლადიმერ პუტინს შეხვდა, ძალიან წარმატებულად აფასებს.
„არმენპრესის“ ცნობით, ამის შესახებ სომხეთის პრემიერმა ჟურნალისტებთან ბრიფინგის დროს განაცხადა, როდესაც უპასუხა კითხვას იმის შესახებ, თუ რა შეთანხმებები იქნა მიღწეული ვიზიტის ფარგლებში.
„რიგ მიმართულებებზე მივაღწიეთ კონკრეტულ შეთანხმებებს. პრაქტიკულად, ჩვენი დღის წესრიგის ყველა მიმართულებით მიღწეულია კონკრეტული შეთანხმებები -დაწყებული კულტურიდან, დასრულებული სამხედრო-ტექნიკური თანამშრომლობით. ვიზიტს ძალიან წარმატებულად ვაფასებ“, - განაცხადა პრემიერ-მინისტრმა.
სომხეთის პრემიერ-მინისტრი მოსკოვს სამუშაო ვიზიტით 1 აპრილს ეწვია. ვიზიტის ფარგლებში იგი რუსეთის პრეზიდენტ ვლადიმერ პუტინს შეხვდა.