ახლო აღმოსავლეთში კრიზისის პერიოდში სომხეთთან ურთიერთობები კიდევ უფრო მნიშვნელოვანი გახდა: მართა კოსი

ევროკავშირის გაფართოების საკითხებში ევროკომისარმა მართა კოსმა განაცხადა, რომ ახლო აღმოსავლეთში კრიზისის ფონზე, სომხეთის რესპუბლიკასთან ურთიერთობები და სამხრეთ კავკასიაში მშვიდობის მიღწევისკენ მიმართული სამუშაოები კიდევ უფრო მნიშვნელოვანი გახდა.

„არმენპრესის“ ცნობით, ამის შესახებ მართა კოსმა X-ის საკუთარ მიკრობლოგში დაწერა, სადაც 19 მარტს სომხეთის პრემიერ-მინისტრ ნიკოლ ფაშინიანთან გამართულ შეხვედრას გამოეხმაურა.

Armenia and the EU have never been closer.

At a time of crisis in the Middle East, our relationship and the work towards peace in the South Caucasus have become even more important for trade and energy links to Asia.

With 🇦🇲 Prime Minister @NikolPashinyan we discussed how we… pic.twitter.com/eTGuE2z4G7

— Marta Kos (@MartaKosEU) March 19, 2026

„სომხეთი და ევროკავშირი არასდროს ყოფილან ასე ახლოს. ახლო აღმოსავლეთში კრიზისის ამ პერიოდში, ჩვენი ურთიერთობები და სამხრეთ კავკასიაში მშვიდობის დამყარების ძალისხმევა კიდევ უფრო მნიშვნელოვანი გახდა აზიასთან სავაჭრო და ენერგეტიკული კავშირებისთვის“, - ხაზგასმით აღნიშნა ევროკომისარმა თავის პოსტში.

მან ასევე დააკონკრეტა, რომ სომხეთის პრემიერ-მინისტრთან შეხვედრისას განიხილეს, თუ როგორ შეიძლება სამხრეთ კავკასიის უკეთ დაკავშირება და რეგიონში კეთილდღეობისა და ხანგრძლივი მშვიდობის მოტანა.

ევროკავშირის გაფართოების საკითხებში ევროკომისარი მართა კოსი სომხეთს 19 მარტს ეწვია. მან შეხვედრები გამართა სომხეთის რესპუბლიკის ვიცე-პრემიერ მჰერ გრიგორიანთან და პრემიერ-მინისტრ ნიკოლ ფაშინიანთან.ვიზიტის ფარგლებში ასევე დაგეგმილია შეხვედრა სომხეთის შინაგან საქმეთა მინისტრ არპინე სარგსიანთან.

 ევროკომისარსა და სომხეთის ვიცე-პრემიერს შორის გამართულ შეხვედრაზე ხელი მოეწერა „მედეგობისა და ზრდის“ გეგმის ფარგლებში 2025–2027 წლების დაფინანსების შეთანხმებას.