Մերձավոր Արևելքում ճգնաժամի ժամանակաշրջանում ՀՀ-ի հետ հարաբերություններն ավելի կարևոր են դարձել․ Մարթա Կոս

Եվրամիության ընդլայնման հարցերով հանձնակատար Մարթա Կոսը հայտարարել է, որ Մերձավոր Արևելքում ճգնաժամի ֆոնին Հայաստանի Հանրապետության հետ հարաբերությունները և Հարավային Կովկասում խաղաղության հասնելու ուղղությամբ տարվող աշխատանքներն ավելի կարևոր են դարձել։

«Արմենպրես»-ի հաղորդմամբ՝ այս մասին Մարթա Կոսը նշել է X-ի իր միկրոբլոգում կատարած գրառման մեջ, որում անդրադարձել է ՀՀ վարչապետ Նիկոլ Փաշինյանի հետ մարտի 19-ին ունեցած հանդիպմանը։

Armenia and the EU have never been closer.

At a time of crisis in the Middle East, our relationship and the work towards peace in the South Caucasus have become even more important for trade and energy links to Asia.

With 🇦🇲 Prime Minister @NikolPashinyan we discussed how we… pic.twitter.com/eTGuE2z4G7

— Marta Kos (@MartaKosEU) March 19, 2026

«Հայաստանն ու ԵՄ-ն երբեք այսքան մոտ չեն եղել։

Մերձավոր Արևելքում ճգնաժամի այս ժամանակաշրջանում մեր հարաբերությունները և Հարավային Կովկասում խաղաղության հասնելու ուղղությամբ տարվող աշխատանքները դարձել են ավելի կարևոր՝ Ասիայի հետ առևտրային և էներգետիկ կապերի համար»,-իր գրառման մեջ ընդգծել է ԵՄ հանձնակատարը։ 

Նա նաև մանրամասնել է, որ ՀՀ վարչապետի հետ հանդիպման ընթացքում քննարկվել են, թե ինչպես կարելի է ավելի լավ կապել Հարավային Կովկասն ու բարգավաճում և տևական խաղաղություն բերել տարածաշրջան։

Եվրամիության ընդլայնման հարցերով հանձնակատար Մարթա Կոսը Հայաստան է այցելել մարտի 19-ին։ Նա հանդիպումներ է ունեցել Հայաստանի Հանրապետության փոխվարչապետ Մհեր Գրիգորյանի, ՀՀ վարչապետ Նիկոլ Փաշինյանի հետ։ Այցի շրջանակներում հանդիպում է նախատեսված նաև ՀՀ ներքին գործերի նախարար Արփինե Սարգսյանի հետ։

ԵՄ հանձնաատարի և ՀՀ փոխվարչապետի միջև կայացած հանդիպմանը ստորագրվել է «Դիմակայունության և աճի» պլանի ներքո 2025–2027 թվականների ֆինանսավորման համաձայնագիրը։