1 წუთი კითხვის
სომხეთის საგარეო საქმეთა მინისტრი არარატ მირზოიანი ომანის სასულთნოს სოფლის მეურნეობის, მეთევზეობისა და წყლის რესურსების მინისტრს, საუდ ბინ ჰამუდ ალ-ჰაბსის შეხვდა.
„არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს.
მოსაუბრეებმა განიხილეს დარგობრივი თანამშრომლობის განვითარებისა და ვაჭრობის ხელშეწყობის შესაძლებლობები, როგორც იმპორტის, ისე ექსპორტის მიმართულებით.
ორივე მხარემ წარმოადგინა ორმხრივი ინტერესები და ის სფეროები, რომლებიც ყველაზე დიდ პოტენციალს შეიცავს სავაჭრო ბრუნვის გაფართოების თვალსაზრისით.
ეკონომიკური განვითარებისა და ხელსაყრელი საინვესტიციო პირობების შესახებ საუბრისას, მინისტრმა მირზოიანმა ხაზგასმით აღნიშნა, რომ სომხეთსა და აზერბაიჯანს შორის დამყარებული მშვიდობა ახალ შესაძლებლობებს ხსნის რეგიონული კავშირების განვითარებისთვის.
არარატ მირზოიანი და საუდ ბინ ჰამუდ ალ-ჰაბსი შეთანხმდნენ დარგობრივ უწყებებსა და ბიზნეს წრეებს შორის პირდაპირი კავშირების სტიმულირებაზე, რათა უზრუნველყოფილ იქნას ერთობლივი ინიციატივებისა და კონკრეტული მიმართულებებით ურთიერთხელსაყრელი თანამშრომლობის რეალიზაცია.