სომხეთმა და თურქეთმა ენერგეტიკის სფეროში თანამშრომლობის შესაძლებლობები განიხილეს

სომხეთის ტერიტორიული მართვისა და ინფრასტრუქტურის მინისტრმა, დავით ხუდათიანმა პარიზში შეხვედრა გამართა თურქეთის ენერგეტიკისა და ბუნებრივი რესურსების მინისტრთან, ალფარსლან ბაირაქტართან.

„არმენპრესის“ ცნობით, ამის შესახებ დავით ხუდათიანმა „ფეისბუქის“ საკუთარ გვერდზე დაწერა.

„გასული წლის ივნისში სტამბოლში გამართული შეხვედრის გასაგრძელებლად, ჩვენ განვიხილეთ სომხეთსა და თურქეთს შორის ენერგეტიკის სფეროში თანამშრომლობის შესაძლებლობები.

ხაზი გავუსვით ორ ქვეყანას შორის ენერგეტიკის სფეროში პირდაპირი ურთიერთქმედების განვითარების მზადყოფნას და განვიხილეთ შემდგომი ნაბიჯები და ტექნიკური დეტალები“, - დაწერა მინისტრმა.