სამხრეთ კავკასიის რთული ისტორიული ბედის დაძლევის ძალიან დიდი შესაძლებლობა არსებობს: ფაშინიანი
2 წუთი კითხვის
სომხეთი მნიშვნელოვნად მიიჩნევს რეგიონში ხანგრძლივი სტაბილურობისა და მშვიდობის დამყარებას საქართველოს ტერიტორიული მთლიანობის, სუვერენიტეტისა და პოლიტიკური დამოუკიდებლობის საფუძველზე.
„არმენპრესის“ ინფორმაციით, ამის შესახებ სომხეთის პრემიერ-მინისტრმა ნიკოლ ფაშინიანმა საქართველოს პრემიერ-მინისტრ ირაკლი კობახიძესთან შეხვედრის შემდეგ, მედიისთვის გაკეთებული განცხადებების დროს აღნიშნა.
„ძალიან მიხარია იმის აღნიშვნა, რომ სომხეთი და საქართველო საერთაშორისო პლატფორმებზე განუწყვეტლივ და აქტიურად თანამშრომლობენ. ჩვენ ძალიან მნიშვნელოვნად მივიჩნევთ რეგიონში ხანგრძლივი სტაბილურობისა და მშვიდობის დამყარებას საქართველოს ტერიტორიული მთლიანობის, სუვერენიტეტისა და პოლიტიკური დამოუკიდებლობის საფუძველზე. სწორედ ამ საყრდენზე ააგეს და აგებენ მშვიდობას სომხეთი და აზერბაიჯანი და ვფიქრობ, რომ ეს ნამდვილად ისტორიული შესაძლებლობაა ჩვენი რეგიონისთვის. მსურს ვუსურვო, რომ საქართველოშიც მოხდეს მშვიდობის ეს ხანგრძლივი დაფიქსირება და მოწესრიგება. აქ პირდაპირ უნდა ითქვას, რომ ჩვენ ამით ძალიან დაინტერესებულნი ვართ, რადგან ვხედავთ, რომ ჩვენი რეგიონის არამარტივი ისტორიული ბედის დაძლევის ძალიან დიდი შესაძლებლობა არსებობს და ვიმედოვნებთ, რომ ეს შანსი იქნება გამოყენებული“, - აღნიშნა სომხეთის პრემიერ-მინისტრმა.