სომხეთის საგარეო საქმეთა სამინისტრო ირანსა და ისრაელში მყოფ სომხეთის მოქალაქეებს უსაფრთხოების წესების დაცვისკენ მოუწოდებს

სომხეთის საგარეო საქმეთა სამინისტრო ირანსა და ისრაელში მყოფ სომხეთის რესპუბლიკის მოქალაქეებს მოუწოდებს, დაიცვან უსაფრთხოების წესები და მიჰყვნენ ოფიციალურ მითითებებს.

„არმენპრესის“ ინფორმაციით, ამის შესახებ ნათქვამია საგარეო საქმეთა სამინისტროს განცხადებაში.

„სომხეთის რესპუბლიკის საგარეო საქმეთა სამინისტრო აკვირდება ახლო აღმოსავლეთში შექმნილ ვითარებას. სამინისტრო გააგრძელებს სიტუაციის მონიტორინგს და საჭიროებისამებრ გამოაქვეყნებს განახლებულ ინფორმაციას“, - აღნიშნულია განცხადებაში.

ცხელი ხაზები: ირანში სომხეთის საელჩოს ცხელი ხაზი: +98 902 0059927. მისი ხელმიუწვდომლობის შემთხვევაში, საგარეო საქმეთა სამინისტროს ცხელი ხაზი: +37455620111 (ასევე WhatsApp). ისრაელში სომხეთის საელჩოს ცხელი ხაზი: +972 58 607-0313 (ასევე Whatsapp), +972585811144.