2 წუთი კითხვის
სომხეთის პრემიერ-მინისტრის მეუღლემ, ანნა ჰაკობიანმა ნიკოლ ფაშინიანთან ქორწინების დასრულების შესახებ განაცხადა.
„არმენპრესის“ ინფორმაციით, ამის შესახებ ანნა ჰაკობიანმა „ფეისბუქის“ საკუთარ გვერდზე გამოქვეყნებულ ვიდეოში განაცხადა.
ჰაკობიანმა აღნიშნა, რომ ის ტოვებს სამთავრობო რეზიდენციას და ნაქირავებ ბინაში გადადის.
„ჩემს ყველა მეგობარს, ნაცნობსა თუ უცნობს, შორეულ თუ ახლო ნათესავს და ყველაზე ახლობელ ადამიანებსაც კი ვატყობინებ, რომ ეს თემა ჩემთან განხილვას არ ექვემდებარება. მე მასზე აკრძალვას ვაწესებ. თქვენც, ძვირფასო ხალხო, მოგიწოდებთ, დიდი დრო არ დახარჯოთ ამ საკითხის განხილვაზე; ეს უსარგებლო და უნაყოფო საქმიანობა იქნება. მოვისმინეთ, დავაფიქსირეთ, წინ წავედით“, - დაწერა ანნა ჰაკობიანმა.
სომხეთის პრემიერ-მინისტრმა ნიკოლ ფაშინიანმა კი „ფეისბუქის“ საკუთარ გვერდზე დაწერა:
„ანნას გადაწყვეტილებას პატივისცემით ვეკიდები. ბოლო 30 წლის განმავლობაში, ჩემს ყველა რთულ პერიოდში, ის ჩემს გვერდით იყო, იყო ჩემი საყრდენი და დასაყრდენი. დარწმუნებული არ ვარ, რომ მეც ასეთივე ვიყავი მისთვის. ალბათ უფრო მეტი სიმწარე მივაყენე, რისთვისაც ბოდიშს ვიხდი“.
ანნა ჰაკობიანმა მანამდე განაცხადა, რომ მისი და პრემიერ-მინისტრ ნიკოლ ფაშინიანის სამოქალაქო ქორწინება დასრულდა, რასაც სხვადასხვაგვარი და წინააღმდეგობრივი კომენტარები მოჰყვა.