მირზოიანმა და კოპმანმა რეგიონული ეკონომიკური და სატრანსპორტო ურთიერთკავშირის განვითარებაზე მიმართული პროგრამები განიხილეს
1 წუთი კითხვის
სომხეთის რესპუბლიკის საგარეო საქმეთა მინისტრი არარატ მირზოიანი ევროკომისიის სამეზობლო პოლიტიკისა და გაფართოების საკითხებში გენერალურ დირექტორს, გერტ იან კოპმანს შეხვდა.
„არმენპრესის“ ცნობით, სომხეთის საგარეო საქმეთა სამინისტრო იტყობინება, რომ მხარეებმა განიხილეს რეგიონული ეკონომიკური და სატრანსპორტო ურთიერთკავშირის განვითარებაზე მიმართული პროგრამები და ამ მიმართულებით სომხეთ-ევროკავშირის თანამშრომლობის საკითხები.
არარატ მირზოიანმა და გერტ იან კოპმანმა აზრები გაცვალეს სომხეთ-ევროკავშირის მომავალი მაღალი დონის ღონისძიებებისა და ვიზიტების დღის წესრიგზე, ასევე პარტნიორობის განვითარებისკენ მიმართული ახალი ხელშესახები შედეგების უზრუნველყოფის მიზნით მიმდინარე სამუშაოებზე.
ყურადღება გამახვილდა დემოკრატიული მდგრადობის უწყვეტი გაძლიერებისკენ მიმართულ ინიციატივებზე.
არარატ მირზოიანმა და გერტ იან კოპმანმა ასევე ისაუბრეს რეგიონულ განვითარებაზე, სომხეთ-აზერბაიჯანის ურთიერთობების მოწესრიგების პროცესში არსებულ დინამიკასა და შესაძლებლობებზე, და ორმხრივი ინტერესის მქონე სხვა საკითხებზე.