სომხეთის რესპუბლიკის საგარეო საქმეთა მინისტრი სტრასბურგში ვენეციის კომისიის პრეზიდენტს შეხვდა

სომხეთის რესპუბლიკის საგარეო საქმეთა მინისტრი არარატ მირზოიანი სტრასბურგში შეხვდა ვენეციის კომისიის პრეზიდენტ მარტა კარტაბიას․ მინისტრმა მირზოიანმა მარტა კარტაბიას მიულოცა ვენეციის კომისიის პრეზიდენტის თანამდებობაზე არჩევა․

„არმენპრესის“ ინფორმაციით, სომხეთის რესპუბლიკის საგარეო საქმეთა სამინისტროდან აცხადებენ, რომ თანამოსაუბრეებმა განიხილეს ვენეციის კომისიასთან თანამშრომლობის საკითხები․ ორივე მხარემ კმაყოფილებით გაუსვა ხაზი იმ აქტიურ თანამშრომლობას, რომელიც ჩამოყალიბდა დემოკრატიისთვის არსებული რთული პირობების ფონზე სამართლის უზენაესობის უზრუნველყოფის, ადამიანის უფლებების დაცვისა და, ზოგადად, სამართლებრივი რეფორმების მიმართულებით․

არარატ მირზოიანმა აღნიშნა, რომ დემოკრატიული რეფორმების ამბიციური დღის წესრიგის ფარგლებში სომხეთი მნიშვნელოვნად მიიჩნევს კომისიის წვლილს სხვადასხვა სამართლებრივ ინიციატივებთან დაკავშირებით, რაც გამოიხატება საკონსულტაციო დასკვნებში․

შეხვედრაზე ასევე შეეხნენ ციფრული პლატფორმების განვითარების პირობებში ადამიანის უფლებების დაცვის სფეროში არსებულ გამოწვევებს და მათ დასაძლევად ეფექტიანი მექანიზმების შემუშავებისა და განხორციელების მნიშვნელობას․

მხარეებმა აზრები გაცვალეს ურთიერთ ინტერესის მქონე სხვა საკითხებზეც․