1 წუთი კითხვის
უკრაინის პრეზიდენტი ვოლოდიმირ ზელენსკი მშვიდობის მოლაპარაკებების გასამართად შვეიცარიაში ჩავიდა, სადაც დავოსში ამ დღეებში მსოფლიო ეკონომიკური ფორუმი მიმდინარეობს. როგორც „არმენპრესი“ წერს, ამის შესახებ Reuters-მა განაცხადა.
კვირის დასაწყისში ზელენსკიმ განაცხადა, რომ ფორუმის მუშაობაში არ მიიღებდა მონაწილეობას და კიევში დარჩებოდა, რათა რუსული ავიაიერიშების შემდეგ წარმოქმნილი ენერგეტიკული კრიზისის გადალახვის მიმართულებებზე კონცენტრირებული ყოფილიყო.
უკრაინის პრეზიდენტმა აღნიშნა, რომ დავოსში მხოლოდ იმ შემთხვევაში წავიდოდა, თუ შეეძლებოდა აშშ-ის პრეზიდენტ დონალდ ტრამპთან შეთანხმების გაფორმება, რომელიც დასრულდებოდა ქვეყანაში ოთხი წლის განმავლობაში მიმდინარე ომს, უზრუნველყოფდა უსაფრთხოების გარანტიებს და დაფინანსებას ომისშემდგომი აღდგენისათვის.
თუმცა აშშ-ის პრეზიდენტმა დონალდ ტრამპმა დავოსში განაცხადა, რომ 22 იანვარს ზელენსკის შეხვდება. ამ ინფორმაციის შემდეგ ოფიციალურმა კიევმა დაადასტურა, რომ ზელენსკი შვეიცარიაში გამგზავრდა.
ცნობილი გახდა, რომ ადრე დავოსში შეხვედრა გაიმართა ტრამპის სპეციალურ წარმომადგენელ სტივ უიტკოფთან, რომელიც დღეს ჯარედ კუშნერთან ერთად მოსკოვში რუსეთის პრეზიდენტ ვლადიმირ პუტინს შეხვდება.