ნიკოლ ფაშინიანი გამოეხმაურა ტრამპის განცხადებას ირანთან თანამშრომლობის მქონე ქვეყნებისთვის 25%-იანი საბაჟო ტარიფის დაწესების შესახებ
1 წუთი კითხვის
სომხეთი აშშ-ის პრეზიდენტ დონალდ ტრამპის გადაწყვეტილების შინაარსს, რომლის მიხედვითაც ირანთან ბიზნესის მქონე ყველა ქვეყნის მიმართ 25%-იანი საბაჟო ტარიფი დაწესდება, დე იურე გაეცნობა და საჭიროების შემთხვევაში პარტნიორებთან კონსულტაციებს დაიწყებს.
„არმენპრესის“ ინფორმაციით, ამის შესახებ ჟურნალისტებთან საუბრისას სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა.
„ჯერ საჭიროა აღნიშნული გადაწყვეტილების შინაარსს დე იურე გავეცნოთ. ჩვენ გავეცნობით, უკვე ვეცნობით შინაარსს და საჭიროების შემთხვევაში კონსულტაციებს დავიწყებთ ყველა შესაბამის პარტნიორთან“, - განაცხადა ფაშინიანმა.
აშშ-ის პრეზიდენტმა დონალდ ტრამპმა განაცხადა ირანთან ბიზნესის მქონე ქვეყნების მიმართ 25%-იანი საბაჟო ტარიფის დაწესების შესახებ და აღნიშნა, რომ გადაწყვეტილება საბოლოო და მტკიცეა.