მეწარმეების პრობლემების გადაჭრის საკითხში გვაქვს პოლიტიკური თანხმობა։ მირზოიანი საქართველოს საგარეო საქმეთა მინისტრთან შეხვედრის შემდეგ

სომხეთი და საქართველო აგრძელებენ სტრატეგიული პარტნიორობის განვითარებას, რომელიც მიზნად ისახავს რეგიონული კავშირის გაფართოებას და გაძლიერებას.

 „არმენპრესის“ ინფორმაციით, ამის შესახებ განაცხადა სომხეთის რესპუბლიკის საგარეო საქმეთა მინისტრმა არარატ მირზოიანმა, როდესაც წარმოადგინა საქართველოს საგარეო საქმეთა მინისტრ მაკა ბოჭორიშვილთან შეხვედრის შედეგები․

„სტრატეგიული პარტნიორობის მეშვეობით ჩვენ მუდმივად უნდა შევუწყოთ ხელი ურთიერთდაკავშირებულობის გაფართოებასა და გაძლიერებას და ამ გზაზე არ დავუშვათ ბარიერები. დღეს ჩემს კოლეგასთან განვიხილეთ ეს ხედვა და მიდგომა და ვფიქრობ, რომ გვაქვს ორმხრივად მომგებიანი ურთიერთგაგება“, – განაცხადა მინისტრმა

მირზოიანმა ასევე შეეხო ბიზნეს საზოგადოების მიერ წამოწეულ საკითხებს․

„რა თქმა უნდა, ვიცით მეწარმეთა მიერ გამოკვეთილი პრობლემების შესახებ, და მათ გადაწყვეტის მიმართულებით გვაქვს პოლიტიკური თანხმობა“, - აღნიშნა საგარეო საქმეთა მინისტრმა․