სამველ კარაპეტიანის პატიმრობა 30 დღით გაგრძელდა

ანტიკორუფციულმა სასამართლომ, მოსამართლე ვაჰე დოლმაზიანის თავმჯდომარეობით, „ტაშირის“ კომპანიათა ჯგუფის დამფუძნებლისა და ბიზნესმენის, სამველ კარაპეტიანის დაკავების ვადა 30 დღით გაახანგრძლივა.

„არმენპრესის“ ინფორმაციით, ამის შესახებ ჟურნალისტებს სასამართლო სხდომის დასრულების შემდეგ აცნობა სამველ კარაპეტიანის დაცვის გუნდის წევრმა არამ ვარდევანიანმა.

სამველ კარაპეტიანი 18 ივნისს დააკავეს. მას ბრალი წარდგენილი ჰქონდა ხელისუფლების მიტაცებისა და კონსტიტუციური წესრიგის დამხობისკენ მიმართული საჯარო მოწოდებებისთვის.

13 ოქტომბერს გამოძიების კომიტეტმა განაცხადა, რომ სამველ კარაპეტიანის ბრალდება შეიცვალა და დაემატა სსკ-ის 296-ე მუხლის მესამე ნაწილის მე-2 და მე-3 პუნქტები (ფულის გათეთრება განსაკუთრებულად დიდი ოდენობით, ხელისუფლების ან სამსახურებრივი უფლებამოსილების ან მათი გავლენის გამოყენებით).

კარაპეტიანი არ აღიარებს მის წინააღმდეგ წაყენებულ ბრალდებებს.