სომხეთის საგარეო საქმეთა მინისტრმა და ნატო-ს გენერალური მდივნის მოადგილემ განიხილეს თანამშრომლობის გაფართოების შესაძლებლობები
1 წუთი კითხვის
სომხეთის რესპუბლიკის საგარეო საქმეთა მინისტრი არარატ მირზოიანი შეხვდა ნატო-ს გენერალური მდივნის მოადგილეს, რადმილა შეკერინსკას.
„არმენპრესის“ ცნობით, ამის შესახებ ინფორმაციას ავრცელებს სომხეთის საგარეო საქმეთა სამინისტრო და დასძენს, რომ შეხვედრა გაიმართა ვარშავის უსაფრთხოების ფორუმის ფარგლებში.
უწყების ცნობით, შეხვედრისას მხარეებმა განიხილეს სომხეთსა და ნატო-ს შორის თანამშრომლობის გაფართოების შესაძლებლობები, ხაზგასმით აღნიშნეს უფრო ამბიციური დღის წესრიგის ჩამოყალიბებისადმი არსებული ინტერესი.
„კმაყოფილებით აღინიშნა ნატო-ს წევრი ქვეყნების ელჩების ბოლო ვიზიტი ერევანში, ასევე სომხეთის მონაწილეობა ნატო-ს სამშვიდობო მისიებში. რეგიონულ განვითარებებთან დაკავშირებით, მხარეებმა აზრები გაცვალეს ვაშინგტონის შეთანხმებების მნიშვნელობაზე მშვიდობის დამკვიდრების საქმეში და „ტრამპის გზა: საერთაშორისო მშვიდობისა და კეთილდღეობისათვის“ კომუნიკაციის პროგრამის განხორციელებაზე“, - ნათქვამია საგარეო საქმეთა სამინისტროს მიერ გავრცელებულ განცხადებაში.