თურქეთმა და ირანმა განიხილეს აშშ-სთან ბირთვული პროგრამის შესახებ შეწყვეტილი მოლაპარაკებების საკითხი
1 წუთი კითხვის
თურქეთის საგარეო საქმეთა მინისტრმა ჰაკან ფიდანმა განაცხადა, რომ 25 აგვისტოს ჯედდაში ირანელ კოლეგა აბას არაღჩისთან გამართულ შეხვედრაზე განხილული იქნა თეირანსა და ვაშინგტონს შორის ბირთვული პროგრამის თაობაზე შეწყვეტილი მოლაპარაკებების პროცესი.
„არმენპრესის“ ინფორმაციით, თურქეთის საგარეო საქმეთა მინისტრმა ეს ინფორმაცია ჟურნალისტებთან საუბრისას გაავრცელა.
„ირანს ევროპასთან გზა აქვს გასავლელი. რაც შეეხება ბირთვულ პროგრამაზე მოლაპარაკებებს აშშ-სთან, რომლებიც ამჟამად შეჩერებულია... მე სატელეფონო საუბრები მქონდა აშშ-ს სახელმწიფო მდივან მარკო რუბიოსთან. ჩემს ირანელ კოლეგასთანაც განვიხილე ეს საკითხი და შესაძლებლობა გვქონდა, ეს საკითხი გაგვეანალიზებინა აშშ-ს მხრიდან გაკეთებული რამდენიმე კომენტარის კონტექსტში“, – განაცხადა ფიდანმა.