2 წუთი კითხვის
ბელარუსის პრეზიდენტმა ალექსანდრ ლუკაშენკომ მინსკში მიიღო ირანელი კოლეგა მასუდ ფეზეშქიანი. მან აღნიშნა, რომ ბელარუსის მხარე მზად არის ირანთან სხვადასხვა სფეროში თანამშრომლობისთვის. „არმენპრესის“ ცნობით, ამის შესახებ „რია ნოვოსტი“ იუწყება.
„ჩვენ მზად ვართ განვიხილოთ ნებისმიერი საკითხი. დახურული თემები ჩვენ არ გვაქვს. მზად ვართ თქვენთან ვითანამშრომლოთ თქვენი ქვეყნის მოსახლეობის საკვებით უზრუნველყოფიდან დაწყებული სამხედრო-ტექნიკური თანამშრომლობის საკითხებამდე. კიდევ ერთხელ ვუსვამ ხაზს, რომ აქ არანაირი საიდუმლო არ არის. ჩვენი მეგობრობა არ არის მიმართული ვერც ერთი ქვეყნის წინააღმდეგ. ჩვენ ყველაფერს ვაკეთებთ ჩვენი ხალხების, ირანელი და ბელარუსი ხალხების კეთილდღეობისთვის“, - განაცხადა ლუკაშენკომ ირანელ კოლეგასთან შეხვედრისას.
თავის მხრივ, ფეზეშქიანმა აღნიშნა, რომ ორმხრივი ურთიერთობების განვითარებას შეუძლია გაანეიტრალოს დასავლეთის სანქციების ზეგავლენა.
„ჩვენ, როგორც ჩვენი ქვეყანა, ისე თქვენი გვინდა დავრჩეთ დამოუკიდებელნი. და დამოუკიდებელი გადაწყვეტილებების ფარგლებში ჩვენ შეგვიძლია განვავითაროთ ჩვენი მეგობრობა და თანამშრომლობა. ჩვენ გვესმის, რომ ჩვენი ურთიერთობების განვითარება და ჩვენი შეთანხმებები, რომლებიც პრაქტიკაში განხორციელდება, შეძლებს გაანეიტრალოს ეს უკანონო სანქციები“, - ირანის პრეზიდენტის სიტყვებს ბელტა-ს სახელმწიფო საინფორმაციო სააგენტო ციტირებს.
ირანის პრეზიდენტი მასუდ ფეზეშქიანი ოფიციალური ვიზიტით ბელარუსს 19 აგვისტოს ეწვია. მანამდე ის ორდღიანი ოფიციალური ვიზიტით სომხეთში იმყოფებოდა.