სომხეთის პრეზიდენტმა და ირანის ვიცე-პრეზიდენტმა განიხილეს რეგიონში არსებული ზოგადი ვითარება და მოვლენები

სამუშაო ვიზიტით თურქმენეთის ქალაქ თურქმენბაშში მყოფი სომხეთის პრეზიდენტი ვაჰაგნ ხაჩატურიანი 2025 წლის 4 აგვისტოს ზღვაზე გასასვლელის არმქონე ქვეყნების მესამე კონფერენციის“ ფარგლებში შეხვდა ირანის ისლამური რესპუბლიკის ვიცე-პრეზიდენტ მოჰამად რეზა არეფს.

„არმენპრესის“ ცნობით, სომხეთის პრეზიდენტის აპარატი იტყობინება, რომ შეხვედრის დასაწყისში მხარეებმა გაცვალეს მისალმება და ხაზგასმით აღნიშნეს ორ ქვეყანას შორის ჩამოყალიბებული კეთილმეზობლური ურთიერთობებისა და მრავალმხრივი თანამშრომლობის გაგრძელება, რაც ეფუძნება ორ ხალხს შორის მრავალსაუკუნოვან მეგობრობას․

საუბრისას განსაკუთრებული ყურადღება დაეთმო ეკონომიკის, ენერგეტიკის, ინფრასტრუქტურის, მაღალტექნოლოგიების და სხვა მრავალი სფეროში თანამშრომლობის გაფართოების პერსპექტივებს. ვაჰაგნ ხაჩატურიანმა მაღალი შეფასება მისცა ირანული კომპანიის მიერ ჩატარებულ სამუშაოებს ჩრდილოეთ-სამხრეთის გზატკეცილის მეღრი-ქაჯარანის მონაკვეთზე და ხაზი გაუსვა მათ მნიშვნელობას რეგიონული სატრანსპორტო მარშრუტების განვითარების თვალსაზრისით.

მხარეებმა ასევე განიხილეს რეგიონში არსებული ზოგადი ვითარება და მიმდინარე პროცესები და ხაზი გაუსვეს კეთილმეზობლობის, ურთიერთპატივისცემისა და მშვიდობიანი თანაცხოვრების პრინციპების განმტკიცებას, როგორც მთელი რეგიონის სტაბილურობისა და განვითარების საფუძველს.