1 წუთი კითხვის
„წმინდა ბრძოლა“-ს მოძრაობის ლიდერი, არქიეპისკოპოსი ბაგრატ გალსტანიანი დაკავებულია.
„არმენპრესის“ ინფორმაციით, ამის შესახებ ჟურნალისტებთან საუბრისას მისმა ადვოკატმა სერგეი ჰარუთიანმა განაცხადა.
მისი თქმით, სასამართლოს გადაწყვეტილებით, სამართალდამცველებმა ჩხრეკა ჩაატარეს არქიეპისკოპოს ბაგრატ გალსტანიანის საცხოვრებელში, რის შემდეგაც ის დააკავეს და გადაიყვანეს საგამოძიებო კომიტეტში․
მანამდე საგამოძიებო კომიტეტმა განცხადება გაავრცელა, სადაც აღნიშნულია, რომ „წმინდა ბრძოლა“-ს მოძრაობის ლიდერები ამზადებდნენ ტერორისტულ და ხელისუფლების ხელში ჩაგდების ქმედებებს. კომიტეტმა ასევე გამოაქვეყნა აუდიოჩანაწერები, რომელშიც მოძრაობის ლიდერები მონაწილეობენ.