ალკოჰოლური სასმელების მწარმოებლები საქართველოს საელჩოსგან მოითხოვენ განმარტება, თუ რა მიზეზით იქმნება ბარიერები სომხური სატვირთო მანქანებისთვის
3 წუთი კითხვის
სომხეთში ალკოჰოლური სასმელების მწარმოებელი და ექსპორტიორი რამდენიმე კომპანიის წარმომადგენლები ერევანში საქართველოს საელჩოს წინ საპროტესტო აქციას მართავენ. მათი განცხადებით, ქართულ მხარეს სომხეთიდან რუსეთსა და ბელარუსში მიმავალი სატვირთოებისთვის ბარიერები ექმნება, რის გამოც ისინი დღეობით იჭედებიან სომხეთ-საქართველოს საზღვარზე.
როგორც „არმენპრესი“ იუწყება, აქციის მონაწილე, პროშიანის კონიაკის ქარხნის ექსპორტის მენეჯერი გაიანე პოღოსიანი აღნიშნა, რომ აქციის მიზანია ქართულ მხარესთან პასუხებისა და განმარტებების მიღება საქართველოს საბაჟო გამშვებ პუნქტებზე სომხური ტვირთის დაბრკოლებასთან, დაგვიანებასთან და შემოწმების გაჭიანურებასთან დაკავშირებით.
„პრობლემა ის არის, რომ სომხეთის სხვადასხვა ქარხნიდან ექსპორტირებული ტვირთი შენარჩუნებულია საქართველოს „გეზის“ საბაჟო პუნქტში, ანალიზების ჩატარების საბაბით, თუმცა ყველამ კარგად ვიცით, რომ საქართველო მხოლოდ სატრანზიტო ქვეყანაა, და აქ ანალიზების ჩატარებას აზრი არ აქვს. ჩვენ ვცდილობთ ჩვენი ხმა მივაწვდინოთ ყველა შესაძლო მიმართულებით, რათა პრობლემა მოგვარდეს“, - განაცხადა გაიანე პოღოსიანმა.
მან ხაზი გაუსვა, რომ აქციის მონაწილეები საქართველოს საელჩოსგან მოითხოვენ განმარტება, თუ რა საფუძველზე ხდება რუსეთისა და ბელარუსის მიმართულებით ექსპორტირებული სომხური პროდუქციის შეჩერება საქართველოში.
„ამჟამად იქ 17-ზე მეტი სატვირთო მანქანა გვაქვს. არის მანქანები, საიდანაც აიღეს ნიმუშები ანალიზებისთვის, მაგრამ არიან ისეთებიც, რომლებიც ღვინითაა დატვირთული და მათგან ნიმუშები არ აუღიათ“, - აღნიშნა მან.
გაიანე პოღოსიანის თქმით, აქციის მონაწილეებს სურთ კონკრეტული პასუხებისა და განმარტებების მიღება შექმნილ მდგომარეობასთან დაკავშირებით. მისი თქმით, პრობლემა არა მხოლოდ პროშიანის ქარხანას, არამედ რამდენიმე სხვა მწარმოებელსაც ეხება.
მისი განცხადებით, ასეთი პოლიტიკა დიდ ზარალს აყენებს როგორც მწარმოებლებს, ისე ექსპორტიორებსა და გადამზიდავებს.
„ამ პრობლემასთან დაკავშირებით წერილობით მივმართეთ სომხეთის ეკონომიკის სამინისტრო და მივიღეთ პასუხი, რომ სამინისტრო საკითხით უკვე დაკავებულია“, - აღნიშნა მან და დასძინა, რომ საქართველოს მხრიდან ჯერჯერობით განმარტება არ მიგვიღია.
პოღოსიანის თქმით, აქციის მონაწილეები მზად არიან საქართველოში საქართველოს ელჩს შეხვდნენ ვითარების გასარკვევად.
აქციის მიმდინარეობისას, მონაწილეებს საქართველოს საელჩოს ერთ-ერთი თანამშრომელი მიუახლოვდა და სთხოვა მიეწოდებინათ იმ კომპანიების სია, რომლებიც საექსპორტო დროს ბარიერებს აწყდებიან. მონაწილეებმა მას რამდენიმე კომპანიის სახელი გადასცეს.
აქციის ზოგიერთი მონაწილე აცხადებდა, რომ საელჩოს წინ არ დაიშლებიან მანამ, სანამ ყველა კითხვაზე პასუხს არ მიიღებენ.
მოგვიანებით, აქციის მონაწილეებმა მოკლე დროით გადაკეტეს საელჩოსკენ მიმავალი გზა, რის შემდეგაც განაცხადეს, რომ საქართველოს საელჩომ კომპანიების წარმომადგენლების მიღების პირობა დადო.