1 წუთი კითხვის
სომხეთის რესპუბლიკის საგარეო საქმეთა მინისტრმა არარატ მირზოიანმა 6 მარტს სატელეფონო საუბარი გამართა საქართველოს საგარეო საქმეთა მინისტრ მაკა ბოჭორიშვილთან.
როგორც „არმენპრესი“ სომხეთის საგარეო საქმეთა სამინისტროს მიერ გავრცელებულ განცხადებაზე დაყრდნობით იუწყება, მხარეებმა აზრები გაცვალეს ორმხრივი დღის წესრიგისა და რეგიონული საკითხების შესახებ.
არარატ მირზოიანმა და მაკა ბოჭორიშვილმა განიხილეს სომხეთსა და საქართველოს შორის მაღალი დონის პოლიტიკური დიალოგის ფარგლებში დაგეგმილი სამომავლო პროგრამები, რაც ორი ქვეყნის სტრატეგიულ პარტნიორობას შეესაბამება.
სატელეფონო საუბრისას განხილული იქნა სამხრეთ კავკასიაში მშვიდობისა და სტაბილურობის უზრუნველყოფის მიმართულებით მიმდინარე პროცესები.