სურენ პაპიკიანმა და თეო ფრანკენმა სომხეთსა და ბელგიას შორის თანამშრომლობის საკითხები განიხილეს

სომხეთის რესპუბლიკის თავდაცვის მინისტრი სურენ პაპიკიანი 14 თებერვალს შეხვდა ბელგიის სამეფოს თავდაცვის მინისტრს თეო ფრანკენს.

„მივულოცე კოლეგას თანამდებობის დაკავება, ვუსურვე წარმატება და იმედი გამოვთქვი, რომ თავდაცვის სფეროში სომხეთ-ბელგიის თანამშრომლობა განვითარდება და გაფართოვდება“, – დაწერა სურენ პაპიკიანმა „ფეისბუქის“ საკუთარ გვერდზე, „არმენპრესის“ ინფორმაციით.

შეხვედრაზე სომხეთ-ბელგიის თანამშრომლობის საკითხები განიხილეს.

აღინიშნა, რომ თანამშრომლობას დიდი პერსპექტივა აქვს, ხოლო მხარეები შეთანხმდნენ, რომ გააგრძელებენ მუშაობას ურთიერთქმედების განვითარების მიმართულებით.