EU-ის ქვეყნების ელჩები დღეს მიიღებენ გადაწყვეტილებას სომხეთში სადამკვირვებლო მისიის გაგრძელების შესახებ

ევროკავშირის ქვეყნების ელჩები დღეს ბრიუსელში განიხილავენ და მიიღებენ გადაწყვეტილებას სომხეთში ევროკავშირის სადამკვირვებლო მისიის გაგრძელების შესახებ. როგორც „არმენპრესი“ იუწყება, ამის შესახებ „რადიო თავისუფლება“ წერს.

„რადიო თავისუფლების“ ევროპის საკითხების რედაქტორ რიკარდ იოზვიაკის ინფორმაციით, თუ ბოლო მომენტში მოულოდნელობები არ იქნება, ელჩები მხარს დაუჭერენ პროექტს, რომლის მიხედვითაც ევროკავშირის სამოქალაქო მისია სომხეთში კიდევ ორი წლით, 2027 წლის 19 თებერვლამდე დარჩება. გადაწყვეტილების პროექტის მიხედვით, დამკვირვებელთა შემადგენლობა და რაოდენობა უცვლელი დარჩება 165 საერთაშორისო და 44 სომეხი თანამშრომელი. ოფიციალური განცხადების თანახმად, მისიას მონიტორინგის ზონა მოიცავს სომხეთ-აზერბაიჯანის საზღვრის მთელ სიგრძეს, მათ შორის ნახიჩევანის მონაკვეთსაც.

„მოცემული ტერიტორიის მნიშვნელოვანი ზომებიდან გამომდინარე, მისია არსებული რესურსებით ვერ ახერხებს საზღვრის მთელ სიგრძეზე ყველა ინციდენტის დაფიქსირებას“, – განაცხადა დამკვირვებლურმა მისიამ განლაგების შემდეგ და განმარტა, რომ „პატრულები ცდილობენ ეწვიონ იმ ადგილებს, სადაც ინციდენტები მოხდა და შემდეგ ევროკავშირის ცენტრალურ შტაბში ანგარიშგება მოახდინონ ღია წყაროებიდან და სანდო თვითმხილველებისგან მიღებული ინფორმაციის საფუძველზე“.

დეტალებისთვის იხილეთ პირველწყარო.