1 წუთი კითხვის
სომხეთის რესპუბლიკის საგარეო საქმეთა მინისტრმა არარატ მირზოიანმა მარკო რუბიოს შეერთებული შტატების სახელმწიფო მდივნის პოსტზე დანიშვნა მიულოცა.
როგორც „არმენპრესი“ იუწყება, სომხეთის საგარეო საქმეთა მინისტრმა ამის შესახებ X პლატფორმაზე საკუთარ მიკრობლოგში დაწერა.
„თბილი მილოცვა მარკო რუბიოს, შეერთებული შტატების სახელმწიფო მდივნის პოსტზე დანიშვნის გამო. სომხეთი დიდად აფასებს შეერთებულ შტატებთან თავის სტრატეგიულ პარტნიორობას, რომელიც საერთო ღირებულებებსა და ინტერესებზეა დაფუძნებული. ველოდებით ჩვენი თანამშრომლობის კიდევ უფრო განმტკიცებას ჩვენი ორი ერის უსაფრთხოების, დემოკრატიისა და კეთილდღეობისათვის“, – აღნიშნა არარატ მირზოიანმა.
მანამდე ცნობილი გახდა, რომ 20 იანვარს აშშ-ის სენატმა ერთხმად დაამტკიცა რესპუბლიკელი სენატორის, მარკო რუბიოს კანდიდატურა აშშ-ის სახელმწიფო მდივნის პოსტზე.