ერევანში გაიმართება „ლუდის დღეების“ ფესტივალი

ერევანი, 9 აგვისტო, არმენპრესი․ ერევანში 23 აგვისტოს დაიწყება „ლუდის დღეების“ ფესტივალი. სამდღიანი ფესტივალი გააერთიანებს ადგილობრივ ლუდის მწარმოებლებსა და ლუდის მოყვარულებს. ერევნის ზაქიანისა და გრიგორ ლუსავორიჩის ქუჩების მონაკვეთზე წარმოდგენილი იქნება სომხეთის ლუდსახარშის კულტურა, ვიზიტორები გაეცნობიან ადგილობრივ პროდუქციას და დატკბებიან ლუდის მრავალფეროვნებით.

„არმენპრესის“ პრესის ცენტრში გამართულ პრესკონფერენციაზე „ევენტტურას“ პროექტების მენეჯერმა ლილით წარუკიანმა აღნიშნა, რომ უკვე მესამე წელია ფესტივალი ტარდება და ამჯერად ის გამოირჩევა მრავალფეროვანი პროგრამით.

„ჩვენი ორგანიზაციის მიზანია ფესტივალური ტურიზმის განვითარება, ამიტომაც ვატარებთ „ლუდის დღეებს“. ამ ფესტივალის ფარგლებში ჩვენ ვცდილობთ წარმოვაჩინოთ სომხური ლუდის ტრადიციები და წარვადგინოთ ბაზარზე არსებული სიახლეები. უნდა აღვნიშნო, რომ ადგილობრივი მწარმოებლები მრავალფეროვან ასორტიმენტს წარმოადგენენ“, – განაცხადა ლილით წარუკიანმა.

ღონისძიება დაყოფილია რამდენიმე ზონად – საკვები, სასმელეი და ინტერაქტიული თამაშები. „ევენტტურას“ პროექტების მენეჯერმა მარიანა ვარდანიანმა აღნიშნა, რომ წლევანდელი წელი გამოირჩევა მრავალფეროვანი გასართობი პროგრამებით.

„სასმელების ზონაში წარმოდგენილი იქნება ფესტივალის მთავარი ორნამენტი – ლუდი. სასმელებთან ერთად ვიზიტორებს ექნებათ საშუალება დააგემოვნონ ლუდთან შეხამებული საჭმელები, მონაწილეობა მიიღონ თამაშებში და მოიგონ სხვადასხვა საჩუქრები, ასევე ისიამოვნონ ლუდით სპეციალურად განსაზღვრულ დასასვენებელ ზონაში“, – განაცხადა მარიანა ვარდანიანმა.

„ევენტტურას“ პროექტების კოორდინატორმა ლილი ჰოვსეფიანმა აღნიშნა, რომ 11 თამაშის კუთხე გამოიყოფა. თამაშების შინაარსი შეესაბამება ლუდის თემატიკას.

სომხეთის ეკონომიკის სამინისტროს ტურიზმის კომიტეტის მარკეტინგისა და პოპულარიზაციის დეპარტამენტის ხელმძღვანელმა დიანა კარაპეტიანმა აღნიშნა, რომ სომხეთში ფესტივალური ტურიზმის განვითარებას დიდი ძალა აქვს. სომხებსა და სტუმრებს აქვთ შესაძლებლობა აირჩიონ ტურისტული ფესტივალი, რომელიც შეესაბამება მათ ინტერესებს.

„შემოთავაზებული ფესტივალები მრავალფეროვანია – კულტურა, სამზარეულო, სათავგადასავლო ტურიზმი და ა.შ. ისინი ტარდება როგორც ერევანში, ასევე რეგიონებში. ადამიანები ფესტივალებისთვის მიდიან შორეულ თემებში და აქვთ შესაძლებლობა ახალგან აღმოაჩინონ სომხეთი. ფესტივალები თავის მხრივ გავლენას ახდენენ ინფრასტრუქტურის განვითარებაზე და ხელს უწყობენ ადგილობრივი წარმოების გააქტიურებას“, – განაცხადა დიანა კარაპეტიანმა.

ვიზიტორული ტურისტული ფესტივალები შედის ტურისტული სააგენტოების მიერ შემოთავაზებულ პაკეტებში. საერთაშორისო ტურისტულ გამოფენებზეც ხაზგასმულია სომხეთის ფესტივალური ტურიზმი.