სომხეთისა და საქართველოს ჯანდაცვის მინისტრებმა ხაზი გაუსვეს წამლების ფასების პოლიტიკის პერიოდულად გადახედვის აუცილებლობას

ერევანი, 18 ივლისი, არმენპრესი. სომხეთის რესპუბლიკის ჯანდაცვის მინისტრი ანაჰიტ ავანესიანი სამუშაო ვიზიტით თბილისში იმყოფება თავისი კოლეგის, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მიხეილ სარჯველაძის მოწვევით.

როგორც „არმენპრესი“ იტყობინება სომხეთის ჯანდაცვის სამინისტროს მიერ გავრცელებული ინფორმაციის თანახმად, შეხვედრის დროს მინისტრებმა განიხილეს ჯანდაცვის სფეროსთან დაკავშირებული სხვადასხვა საკითხები და ზოგადი პრობლემები, რომელთა გადაჭრისთვის ორი ქვეყნის ჯანდაცვის უწყებების უფრო მჭიდრო თანამშრომლობა და არსებული გამოწვევების დროული მოპასუხება მნიშვნელოვანი აღმოჩნდა.

განხილულ იქნა თანამშრომლობის გაღრმავებისა და გამოცდილების გაცვლის შესაძლებლობები, პროფესიული ჯგუფებისთვის პლატფორმების შექმნის იდეა.

მინისტრმა ასევე წარმოადგინა ელექტრონული ჯანდაცვის სფეროში ბოლო რეფორმები და ხაზი გაუსვა სამედიცინო პერსონალის უწყვეტი განათლების კომპონენტის მნიშვნელობას.

ორივე მხარემ ხაზი გაუსვა წამლების ფასებისა და რეგისტრაციის პოლიტიკის პერიოდულად გადახედვის აუცილებლობას და პარტნიორების, განსაკუთრებით ჯანდაცვის მსოფლიო ორგანიზაციის ჩართულობით ერთობლივი პროგრამების განხორციელების მნიშვნელობას.

ჯანდაცვის საკითხების განხილვა გაგრძელდა საქართველოს პარლამენტის წევრ, ჯანდაცვის დაცვისა და სოციალური საკითხების კომიტეტის თავმჯდომარე ზაზა ლომინაძის შეხვედრის დროს.