სომხეთის რესპუბლკის საგარეო საქმეთა მინისტრის აზრით, კომუნიკაციების განბლოკვა რეგიონში მშვიდობის დამატებითი ფაქტორი გახდება

ერევანი, 3 ივლისი, არმენპრესი. სომხეთის რესპუბლიკის საგარეო საქმეთა მინისტრი არარატ მირზოიანი მიიჩნევს, რომ სამხრეთ კავკასიაში კომუნიკაციების გზების განბლოკვა სარგებელს მოუტანს როგორც თავად რეგიონს, ასევე მის ფარგლებს გარეთ მყოფ ქვეყნებს.

„არმენპრესის“ ინფორმაციით, ამის შესახებ არარატ მირზოიანმა განაცხადა საქართველოს საგარეო საქმეთა მინისტრ ილია დარჩიაშვილთან ერთობლივი პრესკონფერენციის დროს.

სომხეთის საგარეო საქმეთა მინისტრი რეგიონის კომუნიკაციების გზების განბლოკვის საკითხს შეეხო და აღნიშნა, რომ სომხეთი კონსტრუქციულ წინადადებას წარმოადგენს და და არის კონსტრუქციული ამ საკითხში.

„ჩვენ ვფიქრობთ, რომ ეს ხედვა და ეს განბლოკვა ეკონომიკურად სარგებლიანი იქნება არა მხოლოდ სომხეთისა და აზერბაიჯანისთვის, არამედ რეგიონის ყველა ქვეყნისთვის და უფრო ფართო რეგიონის ქვეყნებისთვისაც. უფრო მეტიც, ვფიქრობთ, რომ ეს პროგრამა და ეს განბლოკვა დამატებითი მშვიდობის ფაქტორი გახდება რეგიონში. ამიტომ, სწორედ ამიტომ გამოვედით ინიციატივით „მშვიდობის გზაჯვარედინი“. სხვათა შორის, საინტერესო ფაქტია, რომ სომხეთის პრემიერ-მინისტრმა „მშვიდობის გზაჯვარედინი“ ინიციატივა პირველად თბილისში წარმოადგინა“, - განაცხადა მირზოიანმა.

სომხეთის საგარეო საქმეთა მინისტრმა ქართველი კოლეგა ერევანში მიიწვია.