ერევანი, 3 ივლისი, არმენპრესი. სომხეთსა და აზერბაიჯანს შორის კონტაქტები პრიორიტეტია შეერთებული შტატებისთვის და ვაშინგტონი გააგრძელებს ამ მიმართულებით მუშაობას.
„არმენპრესის“ ცნობით, ამის შესახებ განაცხადა აშშ-ის სახელმწიფო დეპარტამენტის პრესსპიკერის მოადგილე ვედანტ პატელმა ჟურნალისტებთან პრესკონფერენციის დროს, როდესაც ის შეეხო ჩრდილოატლანტიკური ალიანსის (ნატო) სამიტის დროს სომხეთსა და აზერბაიჯანს შორის შეხვედრის ორგანიზების შესაძლებლობას.
„სამხრეთ კავკასიაში არსებული პრობლემების კონტექსტში ეს (რედ. იგულისხმება ერევანსა და ბაქოს შორის მოლაპარაკებები) ჩვენთვის პრიორიტეტია; პრიორიტეტია სახელმწიფო მდივნისა და დეპარტამენტის სხვა ოფიციალური პირებისთვის. ეჭვი არ მეპარება, რომ ეს ის საკითხია, რაზეც მუშაობას გავაგრძელებთ“, - აღნიშნა პატელმა, სამიტის დღის წესრიგის დეტალების გაშიფვრის გარეშე.