Արագածոտնի մարզի Ագարակ գյուղում տուն է այրվել

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը դեկտեմբերի 21-ին, ժամը 21:09-ին ահազանգ է ստացել, որ հրդեհ է բռնկվել Արագածոտնի մարզի Ագարակ գյուղի տներից մեկում:

Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ:

Հրդեհը մեկուսացվել է ժամը 21:50-ին, մարվել` 23:14-ին:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, այրվել է Ագարակ գյուղի 1-ին փողոցի տներից մեկը՝ ամբողջությամբ (մոտ 50 քմ):