1 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի երթուղու համար նախատեսված նոր քաղաքային ավտոբուսներն արդեն մայրաքաղաքում են:
«Արմենպրես»-ի փոխանցմամբ` այս մասին «Ֆեյսբուք»-ի իր էջում գրել է «Իմ Քայլը» խմբակցության անդամ Աշոտ Սարգսյանը:
«Բաս Վոյաժի» նոր քաղաքային ավտոբուսներն արդեն Երևանում են: Դրանք շուտով երթուղում կլինեն»,- գրել է Սարգսյանը:
2019-ի հուլիսին հայտարարվել է, որ Երևանի տրանսպորտային նոր ցանցի վերջնական նախագիծը պատրաստ է: Դրանով առաջարկվում է մայրաքաղաքում գործող 111 ավտոբուսային երթուղու փոխարեն թողնել 42-ը, նախատեսվում է, որ կգործեն 845 ավտոբուս և 101 տրոլեյբուս: