Նանտում ոստիկանությունն արցունքաբեր գազ Է կիրառել բողոքի ակցիայի մասնակիցների նկատմամբ

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի արեւմուտքում գտնվող Նանտ քաղաքում ոստիկանությունն արցունքաբեր գազ Է կիրառել ցուցարարներին ցրելիս: Այդ մասին, ինչպես տեղեկացնում Է «Արմենպրես»-ը, հայտնել Է Ouest France թերթը:

Փարիզի եւ Ֆրանսիայի այլ քաղաքների, մասնավորապես Նիսի, Նանտի, Ռուանի, Մարսելի, Լիոնի, Բորդոյի բնակիչները դեկտեմբերի 17-ին վերստին փողոցներ են դուրս եկել, որպեսզի հերթական անգամ իրենց դժգոհությունը հայտնեն երկրի իշխանությունների կողմից առաջարկված կենսաթոշակային բարեփոխման կապակցությամբ: Սկսած դեկտեմբերի 5-ից Ֆրանսիայում համազգային գործադուլ Է ընթանում կառավարության կողմից հայտարարված կենսաթոշակային բարեփոխման դեմ, որի հետեւանքով առանձին կատեգորիաների ֆրանսիացիներ, այդ թվում՝ տրանսպորտի ոլորտի աշխատողներ, կարող են զրկվել թոշակի անցնելու մի շարք արտոնություններից ու հատուկ ռեժիմներից:

Ֆրանսիայի նախագահ Էմանուել Մակրոնը, դեկտեմբերի 13-ին գտնվելով Բրյուսելում, հայտարարել Է, որ կառավարությունը շարունակում Է աշխատանքը կենսաթոշակային բարեփոխման վրա, բայց չի մեկնաբանել երկրում շարունակվող զանգվածային գործադուլը, հաղորդել Է ՌԻԱ Նովոստին: