Առնվազն հինգ թուրք զինվորական Է զոհվել Հալեպում ականապատված մեքենայի պայթեցման հետեւանքով. SANA
1 րոպեի ընթերցում
![Առնվազն հինգ թուրք զինվորական Է զոհվել Հալեպում ականապատված մեքենայի պայթեցման հետեւանքով. SANA](http://armenpress.am/resized/480/static/news/b/2019/12/997760.jpg)
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Առնվազն հինգ թուրք զինվորական Է զոհվել Հալեպի նահանգի արեւելյան մասում ականապատված ավտոմեքենայի պայթելու հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է SANA սիրիական գործակալությունը:
Նրա տեղեկատվության համաձայն, ականապատված ավտոմեքենան պայթեցվել Է այն ժամանակ, երբ դրա կողքով անցնում Էր թուրքական ռազմական ավտոշարասյունը: Միջադեպը տեղի Է ունեցել դեկտեմբերի 4-ի ուշ երեկոյան Ջարաբլուս քաղաքում: Թուրքական ավտոշարասյունն ուղեւորվում Էր Ջարաբլուսից արեւելք գտնվող ռազմակայան: Պայթյունի հետեւանքով վերքեր են ստացել եւս 12 թուրք զինվորներ: Բոլոր տուժածներին տեղափոխել են Թուրքիայի տարածքում գտնվող հոսպիտալ:
Միջադեպի վերաբերյալ թուրքական կողմի պաշտոնական հայտարարություններ դեռեւս չեն եղել, հաղորդել Է ՏԱՍՍ-ը: