ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ։ Իրանի Իսլամական Հանրապետության մայրաքաղաք Թեհրանում մասնակիորեն վերականգնվել է համացանցին հասանելիությունը: Ինչպես հաղորդում է «Արմենպրես»-ը, այս մասին հայտնում է այդ երկրում ՏԱՍՍ գործակալության թղթակիցը:
Մասնավորապես, հասանելիությունը մոդեմի միջոցով հնարավոր է Mobinnet ընկերության օգտատերերի համար: Բջջային հեռախոսով համացանցն օգտատերերի համար շարունակում է մնալ անհասանելի:
Նոյեմբերի 16-ին Իրանի իշխանությունները երկրում անջատել էին համացանցը՝ հաշվի առնելով չդադարող բողոքի ակցիաները, որոնք պայմանավորված էին բենզինի գնի թանկացմամբ: