Բրիտանացի պատգամավորները պաշտպանել են վաղաժամկետ ընտրություններ անցկացնելու Ջոնսոնի առաջարկը

ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի խորհրդարանի Համայնքների պալատը պաշտպանել Է դեկտեմբերի 12-ին վաղաժամկետ խորհրդարանական ընտրություններ անցկացնելու Միացյալ Թագավորության վարչապետ Բորիս Ջոնսոնի առաջարկությունը: Հոկտեմբերի 29-ին կայացած քվեարկության ժամանակ Ջոնսոնի պլանների օգտին արտահայտվել Է 438 ժողովրդական ընտրյալ, դեմ Է հանդես եկել ընդամենը 20 պատգամավոր, տեղեկացնում Է «Արմենպրես»-ը:

Այդ ընտրությունների օգնությամբ Ջոնսոնը մտադիր Է փորձել փակուղուց հանել Brexit-ի գործընթացը, որը չի կարողանում ստանալ խորհրդարանի ստորին պալատի հավանությունը, որտեղ կառավարող կուսակցությունը մեծամասնություն չունի:

Վերը նշված ժամկետում ընտրությունների կազմակերպման համար խորհրդարանը պետք Է ընտրարշավի անցկացման կապակցությամբ արձակված լինի նոյեմբերի 6-ից ոչ ուշ: Այսպիսով Ջոնսոնին մնում Է հինգ աշխատանքային օր, որպեսզի օրինագիծն անցնի համաձայնեցման մնացած փուլերը: Համայնքների պալատի կողմից հաստատված օրինագիծն այժմ պետք Է քննարկի Լորդերի պալատը, հաղորդել Է ՏԱՍՍ-ը: