Աշտարակում անասնագոմի տանիք է այրվել

ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը հոկտեմբերի 27-ին, ժամը 11:03-ին տեղեկություն է ստացել, որԱրագածոտնի մարզի Աշտարակ քաղաքի Խորենացու փողոցի 3-րդ շենքին հարակից այրվում է անասնագոմի տանիք:

Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 11:43-ին, մարվել` 12:01-ին:

Ինչպես «Արմենպրես»-ին տեղեկացրին նախարարության տեղեկատվության և հասարակայնության հետ կապերի վարչությունից, ամբողջությամբ այրվել է չշահագործվող անասնագոմի տանիքը՝ մոտ 40 քմ: