Բրյուսելում կոչ են արել պատրաստվել միգրանտների հոսքին Եվրամիություն

ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Եվրահանձնաժողովը մտադիր Է ոչ թե կանգնեցնել միգրացիոն հոսքը Եվրոպա, այլ միայն գտնել այն ավելի լավ կառավարելու եղանակները: Այդ մասին, ինչպես տեղեկացնում Է «Արմենպրես»-ը, հոկտեմբերի 16-ին Բրյուսելում կայացած ճեպազրույցում հայտնել Է միգրացիայի, քաղաքացիության եւ ներքին գործերի եվրակոմիսար Դիմիտրիս Ավրամոպուլոսը:

«Մենք պետք Է անկեղծ լինենք. միգրացիայի երեւույթը եղել Է ու կլինի ապագայում: Խոսքն այն մասին չԷ, թե ինչպես դա կանգնեցնել, այլ ինչպես ավելի լավ կառավարել այդ երեւույթը»,-հայտարարել Է նա: Մասնավորապես, նա ընդգծել Է, որ Սիրիայում Թուրքիայի ռազմական գործողության հետեւանքով իրադրությունը կարող Է կրկին սրվել: Ամփոփելով միգրացիայի բնագավառում Եվրահանձնաժողովի աշխատանքի արդյունքները՝ նա հայտնել Է, որ 2016-ից մինչեւ 2019 թվականն ընկած ժամանակաշրջանում Եվրահանձնաժողովը հասել Է ԵՄ-ի տարածքում քվոտաների սկզբունքով մոտավորապես 55 հազար միգրանտների տարաբնակեցման, ինչը նա համարել Է «նշանակալի ձեռքբերում»:

Եվրոպական վիճակագրական ծառայության՝ Եվրոստատի, տվյալներով, 2015 թվականից ի վեր Եվրամիության արտաքին սահմանների միայն գրանցված անօրինական հատումների թվաքանակը գերազանցում Է 2,5 միլիոնը, հաղորդել Է ՏԱՍՍ-ը: