ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Իրաքում առնվազն 12 մարդ Է զոհվել բողոքի ակցիաների ընթացքում, վիրավորների թիվը հասել Է 650-ի: Այդ մասին, ինչպես տեղեկացնում Է «Արմենպրես»-ը, հայտնել Է Shafaq գործակալությունը՝ հղում անելով Մարդու իրավունքների գերագույն հանձնաժողովին:
«Բողոքի ակցիաների ընթացքում զոհվել Է 11 ցուցարար եւ անվտանգության ծառայությունների մի աշխատակից, վիրավորվել Է 650 մարդ, այդ թվում՝ 87 ուժային»,-գործակալությունը մեջբերել Է հանձնաժողովի ղեկավար Ալի ալ Բայաթիի խոսքը:
Նրա տվյալներով՝ բերման Է ենթարկվել 122 մարդ, որոնց մեծամասնությունն արդեն ազատ Է արձակված: Ավելի վաղ Իրաքի վարչապետ Ադել Աբդ ալ Մահդին հայտարարել Է հոկտեմբերի 3-ի առավոտվա ժամը 5-ից երկրի մայրաքաղաք Բաղդադում պարետային ժամ սահմանելու մասին:
Պարետային ժամ Է մտցվել նաեւ մի շարք այլ նահանգներում: Բողոքի ակցիաները Բաղդադում սկսվել են հոկտեմբերի 1-ին, դրանց մասնակիցներին ցրելու ընթացքում զոհվել Է երկու, վիրավորվել՝ ավելի քան 200 մարդ: Հոկտեմբերի 2-ին բողոքի ակցիաներն ընդգրկել են ոչ միայն Բաղդադը, այլեւ մի քանի այլ նահանգներ՝ Զի-Կարը, Վասիթը, Նաջաֆը, Դիվանիան, Բաբիլը:
Ցուցարարները պահանջում են բարելավել կենսապայմանները, լուծել առողջապահության, կրթության ոլորտի, աշխատաշուկայի եւ կոռուպցիայի դեմ պայքարի խնդիրները, հաղորդել Է ՌԻԱ Նովոստի գործակալությունը: