1 րոպեի ընթերցում
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Սեպտեմբերի 30-ի առավոտյան կյանքի 75-րդ տարում մահացել Է ամերիկացի օպերային երգչուհի Ջեսի Նորմանը: Այդ մասին հայտնել Է Variety հանդեսը՝ վկայակոչելով նրա ընտանիքի ներկայացուցչի հայտարարությունը, տեղեկացնում Է «Արմենպրես»-ը:
Նշվում Է, որ Նորմանի մահվան պատճառը դարձել են ողնուղեղի վնասվածքի հետ կապված բարդացումները, որն օպերային երգչուհին ստացել Էր 2015 թվականինի: Ջեսի Նորմանը ծնվել Է 1945 թվականին Օգասթա քաղաքում (Ջորջիայի նահանգ):
1969 թվականին նա դեբյուտել Է Բեռլինում՝ Եղիսաբեթի դերում (Ռիխարդ Վագների «Տանգեյզեր» օպերա), 1972 թվականին Աիդայի դերով (Ջուզեպե Վերդիի «Աիդա» օպերա) հանդես Է եկել La Scala թատրոնի բեմում եւ Covent Garden թատրոնում՝ Կասանդրայի դերով (Հեկտոր Բեռլիոզի «Տրոյացիները» օպերա): Նորմանը հինգ անգամ արժանացել Է Grammy մրցանակի, ինչպես նաեւ ստացել Է ԱՄՆ-ի Ազգային մեդալն արվեստների բնագավառում, հաղորդել Է ՏԱՍՍ-ը: