Խաղաղապահ բրիգադը մասնակցում է ռազմավարական զորավարժությանը
1 րոպեի ընթերցում
![Խաղաղապահ բրիգադը մասնակցում է ռազմավարական զորավարժությանը](http://armenpress.am/resized/480/static/news/b/2019/09/989349.jpg)
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Զինված ուժերի խաղաղապահ բրիգադը ռազմավարական զորավարժության շրջանակում բերվել է մարտական պատրաստականության «Լրիվ» աստիճանի:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, մշտական տեղակայման վայրերից դուրս են բերվել սպառազինությունն ու ռազմական տեխնիկան, զբաղեցվել են նախորոշված շրջանները:
Սահմանված ժամկետում կազմակերպվել է պատերազմական հաստիքներին կցագրված անձնակազմի համալրումը: