Արաբական պետությունների լիգան ողջունել Է Սիրիայում սահմանադրական կոմիտեի կազմավորումը

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Արաբական պետությունների լիգան (ԱՊԼ) ողջունում Է Սիրիայում սահմանադրական կոմիտեի վերջնական կազմավորումը, հուսով Է, որ դրա աշխատանքը նոր Էջ կբացի այս երկրի պատմության մեջ: Այդ մասին, ինչպես տեղեկացնում Է «Արմենպրես»-ը, ասված Է կազմակերպության հայտարարության մեջ:

«ԱՊԼ-ի գլխավոր քարտուղար Աբդուլ Գեյթը հույս ունի, որ այդ համաձայնագիրը քայլ կդառնա դեպի լայնամասշտաբ քաղաքական կարգավորում տանող ճանապարհին, որը կհամապատասխաներ Սիրիայի ժողովրդի ձգտումներին եւ վերջ կդներ ձգձգվող դիմակայությանը»,-նշվում Է փաստաթղթում:

ՄԱԿ-ի գլխավոր քարտուղար Անտոնիու Գուտերեշը սեպտեմբերի 23-ին հայտարարել Է սահմանադրական հանձնաժողովի վերջնական ձեւավորման մասին եւ հայտնել, որ այն նիստ կգումարի առաջիկա շաբաթներին: Նա նշել Է, թե հավատում Է, որ հանձնաժողովի ստեղծումը կարող Է եւ պետք Է դառնա հակամարտությունից քաղաքական ելքի սկիզբը այնպիսի լուծում գտնելու ճանապարհին, որը կհամապատասխանի բոլոր սիրիացիների օրինական ցանկություններին:

ԱՊԼ-ին Սիրիայի անդամակցությունը կասեցվել Է 2011 թվականի նոյեմբերին երկրում զինված հակամարտության սկսվելուց հետո, հաղորդել Է ՌԻԱ Նովոստին: