Իրանի որոշ դպրոցներում սկսել են ադրբեջաներեն դասավանդել

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի Արևելյան Ադրբեջան (Ատրպատական) նահանգի մի շարք միջնակարգ դպրոցներում սկսել են ադրբեջաներեն դասավանդել:

Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները:

Արևելյան Ադրբեջանի նահանգի կրթության և ուսուցման վարչության տնօրեն Ջաֆար Փաշային հայտնել է, որ դպրոցներում ադրբեջաներեն դասավանդվելու է շաբաթական երկու անգամ:

Իսկ Արդաբիլի նահանգի Իսլամական խորհրդի նախագահ Յաղուբ Հաշեմին նշել է, որ Արդաբիլում նույնպես պետք է ուշադրություն դարձնել ադրբեջաներենի դասավանդմանը: